Egitarau berezia prestatu du auzoko jai batzordeak, eta egubakoitzean hasi zen festak, bihar arte, domekara arte, jarraituko du. Gaur, etxe-txikiteoa egin dute auzotarrek balkoietan, eta horretarako dotore eta koloretsu apaindu dituzte etxeak. Arratsalde-gauerako DJ Iverrek abesti dantzagarriak jarriko ditu Youtube bidez, eta bihar Musakola's Secret pijama erakustaldia egingo dute goizeko 9:00etan hasita.
Bihar ere, poteoa egingo dute balkoietan (12:30ean), eta 17:30ean, balkoien arteko sokatira txapelketa. Jaiak agurtzeko, 19:30ean lapiko jotzea egingo dute.
