Era berean, jakinarazi dute segurtasun kontuengatik, eta higiene eta osasun neurri guztiak betetzeko, pertsona bakarra izango dela dendan bezeroen zerbitzura; boluntarioek aurrerago ekingo diote lanari.
Bidezko Merkataritzaren Eguna bihar
Maiatzaren 9an ospatzen da Bidezko Merkataritzaren Nazioarteko Eguna eta Harreman dendako kideek azpimarratu gura dute bidezko merkataritzak duen indarra eraldaketarako agente lez: "Gaur egungo krisi sanitario eta sozialak, inoiz baino gehiago nabarmendu du kontsumo eta ekonomia modelo berri baten beharra".
Kontsumo ohiturak aldatu beharra agerian utzi duela COVID-19 gaitzak gaineratu dute, nabarmenduz "elikadura osasungarri, jasangarri eta bidezkoak" duen garrantzia: "Horixe da bidezko merkataritzak sustatzen duena: bio-dibertsitatea eta ingurune bakoitzaren aberastasun naturalak errespetatzen duen nekazaritza, fruitua zapore eta ezaugarri osasungarriengatik balioesten duen produkzioa, eta ekoizle lokalen garapena, lan baldintza egokietan".
Aldaketarako egin beharreko bidea norberaren esku dagoela gaineratu dute eta bidezko merkataritzaren aldeko apustua egitera gonbidatu dituzte herritarrak.