"Mondragon C.F. osatzen duzuen jokalari, entrenatzaile, guraso eta bazkide guztiei jakinarazi nahi dizuegu COVID-19aren krisia dela eta, 2019-2020 denboraldia amitutzat ematen duela Zuzendaritzak. Gauzak horrela, dagoeneko hasi gara hurrengo denboraldiari begira futbol taldeen kudeaketa eta antolaketa lanetan", adierazi du klub arrasatearrak ohar bidez. Horrekin batera, klub zuri-moretik jakinarazi dute futbol federatu eta futbol eskolako 2020-2021 denboraldiko lehenengo kuotatik %20 murriztea erabaki duela Zuzendaritzak. Eta horrekin batera, bazkideei hurrengo denboraldiko txartelean %20-ko beherapena egitea pentsatu dute. Amaitzeko, udako futbol kanpusa ere bertan behera geratzen dela jakinarazi dute zuzendaritzatik.