Pandemiak eragindako ez-ohiko egoeran espetxeetara elkartasun-mezuak bidaltzea “inoiz baino garrantzitsuagoa” dela azaldu dute Sareko kideek, eta espetxean dauden Unai Parot eta Iosu Askauz herritarren egoeren berri eman dute.
Nazioarteko gomendioei jarraiki, Askauzek eta Parotek konfinamendua etxean pasa beharko luketeela azaldu dute Sareko kideek, baina presoak “dispertsatuta, sakabanatuta eta ohikoa dena baino isolatuago” daudela salatu dute; bisitarik eta “babes-neurririk” gabe. Horrenbestez, herritarrei argazkiak atera eta sareetan elkarbanatzeko deia egin dute #30urteaskoda #askida traolak erabilita edota argazkiak sarearrasate@gmail.com helbidera bidalita.
Askaiz eta Parot
Iosu Askaizek 29 urte daramatza preso, eta kondenaren hiru laurdenak beteta ditu jada. Sareko kideek azaldu dutenez, Frantziako Estatuan egindako urteak ez dizkiote aintzat hartzen. Unai Parotek bestalde, 30 urte daramatza preso, eta ezarri zitzaion kondena bete duen arren, Espainiako Justiziak, 11 urte gehiagoko kondena ezarri ziola salatu du Sarek. “Biek ala biek kalean egon beharko lukete”, gehitu dute Sareko partaideek.
Gutunak espetxeetara
Espetxeetara mezuak iris daitezen gutunak idaztera animatu nahi dituzte herritarrak eta presoen helbideak jakinarazi dituzte:
Unai Parot Navarro
Puerto III
Centro Penitenciario
Ctra. Jerez-Rota, km. 6
11.500 Puerto de Santa María (Cádiz)
Iosu Arkauz Arana
Murcia II
Paraje Los Charcos
30191 Campos del Río (Murcia)
Tlf: 968 657 801