Ertzaintzatik baieztatu dutenez, atzoko 19:30ean gertatu zen lapurreta saiakera Arrasateko Galizia kalean dagoen Santa Teresa guneko Arizmendi ikastolako eraikinean eta bertatik gertu dagoen Toki-Argi ludotekan. Lehenego ludotekara sartu zirela azaldu dute, eta ondoren ikastolara; bietan lehen solairuetako hainbat kristal apurtuta. Arizmendi ikastolatik adierazi dutenez, alarmak ondo jo zuen eta udaltzaingoa "berehala" gerturatu zen: "ateko kristala eta telebista bat apurtu digute, baina besterik ez dute lapurtu".
Ikerketa abian
Ertzaintza ere bertaratu zen eta hain zuzen ere, Bergarako komisaldegitik azaldu dutenez pertsona bakarrak parte hartu zuela uste dute. Argazkiak atera eta odol laginak, hatz markak eta bestelako aztarnak hartu ostean, ikerketa abiarazi dutela jakinarazi dute Ertzaintzatik, Arrasateko udaltzainekin elkarlanean.