Elkarretaratzea, bihar Arrasaten
ELAk salatu du, Aita Mennik langileak "prekarizatzen" jarraitu nahi duela. Gauzak horrela, sindikatuak elkarretaratzea deitu du, biharko. Arazo hau sozializatzea nahi du ELAk eta horregatik, arrasatearrak bihar, 19:00etan eta Seber Altuben hasiko den elkarretaratzean parte hartzera gonbidatu ditu.
Berdintasuna
ELAk adierazi du, Aita Mennik berdintasun planaren inguruan "harrotasunez" hitz egin duela, baina gizonezko eta emakumezkoen arteko soldata arrakala ezabatzeko neurriei buruz ez duela ezer jakin nahi.
Arlo ekonomikoa
Arlo ekonomikoa ere izan zen hizpide Aita Menni eta ELAk izan zuten bileran, non enpresak KPIaren azpitik dauden proposamenak egin zituen. Horrekin batera, ELAk aipatu du, bileran urteko lanaldia murriztearen truke, norbere eginkizunetarako dauden egunetatik ezabatzea proposatu zela eta hori, langileen eskubideekin jolastea dela salatu du sindikatuak.
Lan osasuna eta segurtasuna
Lan osasuna eta segurtasunaren arloan eta Aita Menni, behar berezi handiko gaixoen zentroa izanik, urtean, langileek 400 istripu inguru izaten dituztela adierazi du ELAk. Horren harira, azpimarratu du, enpresak hartu beharreko neurriei zein arrisku plusari uko egiten diola.