Garciak hiru borrokatan hartu zuen parte: 8-0 irabazi zuen lehenengoa eta bigarrena irabazten hasi bazen ere, 1-7 galdu zuen. Azkenik, finaleko borroka oso parekatua izan zen, baina azkenean arrasatearrak irabaztea lortu zuen, 12-6.
Aitor Lasagabaster eta Iosu Madinabeitia
Ane Garciarekin batera, Aitor Lasagabasterrek eta Iosu Madinabeitiak hartu zuten parte txapelketan, gazte eta 21 urtez azpiko kategoriatan, hurrenez hurren. Lasagabasterrek berdinketa lortu zuen lehen borrokan, baina epaileek aurkariaren alde egin zuten eta arrasatearrak ezin izan zuen txapelketan jarraitu. Madinabeitiak, bestalde, asko igarri zuen aurkarien esperientzia eta borroka ona egin bazuen ere, ezin izan zuen txapelketan aurrera egin.
