Oscar Garciak, Arrasateko PSE-EEko bozeramaileak, kargua utzi du

Oscar Garcia 2018ko abenduko osoko bilkuran hitz egiten.

GOIENAk jakin duenez, zinegotzi sozialistak boluntarioki eta arrazoi pertsonalak argudiatuz aurkeztu zuen dimisioa atzo, idazkaritzan. Harekin kontaktuan jarri ostean, Garciak adierazi du ez duela "ezer esateko", eta ez du argitu gaur egingo den osoko bilkuran egongo den edo ez. Une honetan Udal Gobernuko kide dira sozialistak EAJrekin batera, eta Obrak, Zerbitzuak, Auzoak eta Mantenua Saileko batzordeburua kargua zuen Garciak. 

Garcia (Arrasate, 1979) Arrasateko gazte sozialisten idazkari orokor izan zen 1995etik 2003ra, eta, 1999-2003 agintaldian, Eskoriatzako Udaleko zinegotzi sozialista gisa ere aritu zen. 2015ean bere aitaren erreleboa hartu zuen Arrasateko sozialisten idazkari orokor gisa, eta ordutik alderdiko bozeramaile lanetan dihardu. 

Une honetan, Obrak, Zerbitzuak, Mantenua eta Obrak sailaren ardura politikoaz gain, beste kargu hauek ere betetzen zituen:

  • Tokiko Gobernu Batzordeko kidea

  • Bigarren Alkateordea

  • Bozeramaileen batzordeko kidea

  • Gipuzkoako Uren Partzuergoan udal ordezkaria

  • Gipuzkoako Garraioaren Lurralde Agintaritzan ordezkaria

Erlazionatuak

EAJk dio PSE-EErekin duten Gobernu akordioa "bere horretan mantenduko" dela

Arrasate

Hori da alderdi sozialistak Arrasateko EAJra helarazi duen mezua. Garciaren ordezkoa izendatu bitartean EAJko Ibon Arrupe zinegotziak hartuko du be...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.