Herrerok aipatu du Deusto Loiolak %100a eman duela partidu hasieratik eta arrasatearrek intentsitate gutxi erakutsi dutela: "Sailkapeneko beheko postuetan dagoen talde baten aurka zilegi da horrelako partiduak jokatzea eta irabaztea, baina lehen postuetan dagoen talde baten aurka horrelako zaplatekoak jasotzen dituzu".
Hurrengo jardunaldian arrasatearrek Fagor Industrial Aloña Mendiren bisita jasoko dute Iturripen eta horren harira, honakoa adierazi du Herrerok: "Gaurko emaitzarekin hurrengo astera begira motibazio berezi batekin iritsiko gara. Derbiak bereziak izaten dira eta dena ematen saiatuko gara".