"Tranpatze kanpainak 2 hilabete iraungo ditu, eta hortaz, martxoaren 1etik apirilaren 30 arte luzatuko da. Udalak bere gain hartuko ditu beharrezko diren baliabide pertsonal eta materialak, eta ahalegin honek emaitza egokiak eman ditzan, herritarrei beraien parte hartzea eskatzen
dio. Udalak, iazko kanpainaren balorazio oso baikorra egiten du, horren adierazle, tranpa garaian harrapatu zituen 2.431 liztor erregina dira, eta horren ondorioz uda eta udazkenean kendu ziren habien jaitsiera. Bestalde, udala aurtengo urterako itxaropentsu dago, iazko datuak kontrastatu eta tranpatze plangintza egokia egin ahal izan duelako, eta horrezaz gainera, herritarrak berak ere gero eta kontzientzia maila handiagoa duelako. Hortaz, Udalaren partetik iaz izandako parte hartzea eskertu eta aurten ere laguntzera animatu nahi zaituztegu, horrela, denon artean, bertako ekosistema aldatzen digun espezie inbaditzaile honen hazkundea moteltzea lortu dezagun" azaldu du gaiaz arduratzen den Xabier Herrarte teknikariak.