Hona hemen Ttak! taldekoek helarazitako oharra:
"Kontutxo batekin gatoz, orain dela 10 urte Arrasateko gazte batzuek Ttak! gazte taldea sortu zuten, ez baldin badakizue, Ttak!, Arrasate Euskaldun Dezagun elkarteko gazte saila da. Azken hamarkada honetan, bilakaera egon da taldeko partaide, laguntzaile eta koordinatzaileen artean, baina, aipatu beharra dago, talde honen parte izan diren guztiek eta inguruan laguntzen egon diren guztiek posible egin dutela talde hau aurrera eramatea.
Beraz, mila mila esker bihotzez pertsona guzti horiei, zuek gabe zaila izango litzateke hamarkada bat betetzea eta!
Bestalde, urtero Ttak eguna ospatu izan dugu modu desberdinetara, kontzertuen, jolasen, formazioen, hitzaldien, mikro irekien... bidez, eta aurten ere, talde honek 10 urte egin dituela ospatuko dugu martxoaren 21ean. Egunean zehar, bazkaria, mikro irekia, kontzertuak... eta giro polita egongo da. Oraindik, ez da kartela zabaldu, baina, aurreratzen dizuegu bazkariko tiketak salgai egongo direla laister.
Azkenik, urte berezia denez, Joana Manzisidorrek diseinatutako logoarekin sudaderak egingo ditugu. Horiek, beltzak izango dira, logo horiarekin eta 15€-ko kostua izango dute. Erosteko interesa izanez gero idatzi ttakaed@gmail.com helbide elektronikora eta bertan zure izen-abizenak, taila eta kopurua zehaztu. Eskaera egiteko azken eguna martxoaren 1ean izango da.
Animatu eta egin ezazu euskararekin bat!"