Zaldibarren gertatutakoaren "larritasuna" azpimarratuz haste dute oharra: "Gertaera larri baten aurrean gaude: bi langileren bizitza aurretik eraman duena, arrisku handiko egoera sortu duena eta ingurumen hondamendia eta osasun alarmako egoera eragin duena. Egoera konplexua da eta erantzukizunak oso larriak: behar diren maila guztietan argitu beharko dira. Lehenik eta behin, elkartasuna adierazi nahi diegu harrapatuta jarraitzen duten bi pertsonen familiei eta gertukoei".
Hona neurketa egitea eskatzeko EH Bilduren argudioak: "Erakunde batzuek planteatu dute segurtasun-eremuak zabalagoa izan beharko lukeela, eta 20 kilometrora zabaltzea proposatu dute. Kontuan izan behar dugu Zaldibarko zabortegia Arrasatetik 14 bat kilometrora dagoela lerro zuzenean eta gure Udalerriarekiko iparralderantz. Kontuan hartuta hemen nagusi diren haizeak (2019an jasotako airearen kalitatearen laginen arabera) gune horretatik datozela, uste dugu neurri bermatzaileak eta lasaigarriak izango liratekeela arnasten dugun airearen kalitatea, eta hemen ekoizten diren produktuen kalitatea ona dela bermatzea.
Amaieran, honako hiru galderak egiten dituzte:
- Airearen kalitateari buruzko neurketarik egin al da Arrasate, Aretxabaleta, edo Eskoriatza aldean, Zaldibartik gertuen dagoen eremuan neurtzen ari diren parametro berberak neurtzeko?
- Neurketa horiek egin badira, zein izan da emaitza?
- Erantzuna ezezkoa bada, egiteko asmorik badago?