Partzuergoa osatu duten zortzi erakundeak
Asteon egindako aurkezpenean, proiektu honetan parte hartuko duten zortzi erakundeen ordezkariak izan dira: MGEP (Euskal Herria), KTH Unibertsitatea (Suedia), Petronor Innovación (Euskal Herria), STIIMA (Italia), Tecnalia Fundazioa (Euskal Herria), TQC Company (Erresuma Batua), Uninova Unibertsitatea (Portugal) eta Nottinghameko Unibertsitatea (Erresuma Batua). Mondragon Goi Eskola Politeknikoa izango da gainera, proiektuaren koordinazio orokorra eramango duena.
14 doktorego-tesiren lanketa
Hiru urtetan, 4.0 Industriaren eremuko 14 doktorego-tesi landuko dituzte Europar Batasunak finantzatutako programaren bidez. Horrez gain, etorkizunerako ikerketa-ildoak sustatuko dira, tesiek jorratuko dituzten gaiek horretarako aukera ematen dutelako.
Gauzak horrela, doktoregaiek formakuntza indibiduala jasoko dute, bakoitzak duen tesiaren araberakoa, baina horrekin batera, sare osoaren berri ere izango dute.
