Tailerretan, gurasoek eta euren 4-8 urte arteko seme-alabek hartu zuten parte eta baliabideak eskaini zitzaizkien haurrek eta gazteek familiako komunikazioan euskara hauta dezaten.
Arrasateko Udalak antolatu zituen tailer ekolinguistiko hauetan, 20 familiatik gora aritu ziren 3 asteburutan eta udalak eta gainerako antolatzaileek egiten duten balorazioa positiboa da: "Datu arrakastatsua da 20 familiatik gora batu izana, benetan zaila izaten baita familiak erakartzea transmisioarekin lotutako gaiak lantzeko. Familiek asko eskertu dute gaiarekiko kezka eta tailerren formatua. Izan ere, umeekin batera egin dira hainbat jarduera, eta hori mesedegarria da etxeko hizkuntza ohiturak lantzeko eta finkatzeko”.