Gizonezkoen kategorian Iñigo Uribarren bosgarren izan zen salto hirukoitzean 14,82ko marka eginda, eta Istar Dapenak brontzea eskuratu zuen pertikarekin 5,30eko saltoa egin eta gero. Hala, bi arrasatearren hauen taldeak, Realak, zazpigarren amaitu zuen kluben arteko lehian.
Emakumezkoetan, berriz, Maialen Axpek Atletico San Sebastian taldearen elastikoa defendatu zuen, eta malen Ruiz de Azuak Valentzia Sport taldearena. Bada, Ruiz de Azuak 4,10-ko marka egin zuen –laugarren– eta Axpek lau metroko saltoa egin zuen –bosgarren–. Hala, taldekako lanean Valentzia hirugarren izan zen, eta Atletico San Sebastian zortzigarren.
Anoetan, berriz, parte-hartze libreko saioak egin zituzten eta Arrasate Kanpanzar taldeko bi atleta izan ziren: Eneritz Kortabarria 60 metrotan (8.81), eta Itxaso Plaza 600 metrotan (2.02.07).