Ford Mugarriren eta Ereintzaren arteko partiduaren nondik norakoak lehenengo minutuan markatu dute epaileek. Josu Herrero kapitainari txartel gorria erakutsi diote, euren ustez, defentsa gogorregia egitearren. Handik aurrera, eta Herrero aldageletan egon da, norgehiagoka asko gogortu da. Defentsan nahiko motel ibili dira bi taldeak. Dena den, epaileek hainbat jokalari zigortu dituzte bi minutuko kaleratzeekin. Atsedenaldia, berdintasuna zen nagusi: 15-16.
Garaipena, eskutan
Bigarren zatia askoz hobeto hasi dute arrasatearrek, eta erdi aldera, hiru goleko errenta lortu dute markagailuan. Baina, ez dute aldea mantendu, azken minutuetan, erabaki txarrak hartu dituztelako erasoan. Are gehiago, epaileak berriro erabakigarriak izan dira, bereziki lehia bukatzeko segundo bat geratzen zenean, penaltia adierazi dutelako Errenteriako taldearen alde. Norgehiagoka berdinduta zegoen: 28-28. Etxeko jokalarien haserreak eta protestak baretu ostean, arauzko denboraz kanpo bota dute penaltia, garaipenaren gola sartzeko.
