20 minutuko dokumentala alor anitzeko esplorazioa da: eskalada, glaziarren kartografia, eta Cloue izotz zelaiaren zeharkaldia –Hoste irla, Hegoamerikako hego puntan– uztartzen dituen ikerketa historikoa. Mendizaletasunaren ikuspegitik, Patagoniako eremu ezezagun batean egiteke zegoen erronka bat.
National Geographic-en Gazte Esploratzaileen programak eta Bilbao Mendi Film Festivalak babestutako abentura honetako espedizio-kideak, Eñaut Izagirre, Ibai Rico eta Evan Milles dira. Dokumentalaren ondoren, hogeitahamar minutuko hitzaldia eskainiko du dokumentalaren zuzendaria den Eñaut Izagirrek eta Patagonian glaziarrek pairatzen ari duten atzerakaldia azalduko du.
Dokumentalaren trailerra, hemen.
