Juan Luis Merino: "Europar Batasunari etxebizitzarekiko presioa egin nahi diogu"

Maialen Regueiro 2020ko urt. 15a, 09:05

Stop Desahucios Euskadi eragileak etxebizitza eskubidea hizpide izango den kongresu bat antolatu du, gaurtik  domekara bitartean (kongresua Hondarribia eta Hernanin izango da) non Europako zeinbat herrialdek etxebizitzarekiko dituzten politikak azalduko dituzten. Juan Luis Merino, Arrasateko Ezker Anitzako kidea, besteak beste, aipatutako kongresu horietan izango da eta bere esanetan, asmoa da "Europako beste herrialde batzuetako esperientziak entzutea".

"Europar Batasunari presioa egitea"

Merinok azaldu bezala, etxebizitzarena herrialde guztietan presente dagoen arazo bat da: "Gai honek europearren %23ari eragiten dio eta horregatik, kongresu honetatik jasotako esperientziekin presioa egin nahi diogu Europar Batasunari". Merinok, besteak beste, Vienako esperientziaren adibidea jarri du: "Adibide eredugarria da etxebizitzen %76a alkilerrekoa delako".

'Kaleratzeak-Stop Desahucios Debagoiena'k Arrasateko Udalari egindako proposamena

Gai honen harira, Merinok, Kaleratzeak-Stop Desahucios Debagoienak Arrasateko Udalari berriki egindako proposamenaren berri eman du: "Arrasateko Udalari 30.000 euroko aurrekontuarekin, etxegabetze kasuetarako ekintza plan bat sortzea proposatzen diogu".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak