Zinema-aretoetara heldu aurretik, geldialdia Arrasaten

Txomin Madina Milikua 2020ko urt. 10a, 21:10

'Lur eta Amets' pelikulako protagonistak Arrasaten izan dira gaur, Kulturateko areto nagusia bete duten neska-mutikoei antzerki ikuskizun bat eskaintzeaz gain, otsailean estreinatuko den filma ikusteko gonbidapena egiten.

Otsailaren 7an helduko da zinema aretoetara 'Lur eta Amets' pelikula, eta bertako protagonistak, zortzi urte dituzten anai-arreba bikiak, Arrasatera heldu dira datozen egunetan Euskal Herriko hainbat herritan egingo duten biraren barruan.

18:00etan zuten hitzordua herriko neska-mutikoekin ordurako goraino beteta zegoen Kulturateko areto nagusian. Bertako agertokia Andere amonaren ganbara bihurtu da ikuskizunean, eta apurka-apurka, Lur ausart eta Amets beldurti, ganbaran ezkutuan zeuden objektuak bistaratzen joan dira ikusleen parte-hartzearekin. Azken sorpresa handi moduan, pelikularen aurrerapena eskaini dute.

Ikuskizunaren bukaeran, gainera, pegatinak eta tatuajeak banatu dituzte neska- mutikoen artean.

Liburuetatik pantaila handira

Lur eta Amets protagonista dituen proiektua Ikastolen Elkarteak, Katxiporretak eta Elkar argitaletxeak jarri zuten martxan, bultzatzaileen hitzetan, "gure herriaren historiaren irakurketa geure ikuspuntutik berreraiki eta eskuragarri jartzeko asmoz".

2015ean Lur eta Amets Lur eta Amets, Euskal Herriaren historia ezagutza liburua kaleratu zuten, eta ostean, haurrei zuzendutako bederatzi ipuin eta galdera-erantzun mahai joko bat. Otsailaren 7an estreinatuko den pelikularako Lotura Films ere batu da proiektura. Joseba Poncek eta Imanol Zinkunegik zuzendu dute filma, Eneko Olasagastiren eta Karlos Zabalaren gidoiarekin,

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak