'Udazkena Euskal Herrian' Artgazkik antolatutako V. argazki lehiaketa ikusgai Kulturaten

Urtarrilaren 10etik 24ra bitartean egongo dira ikusgai, eta salgai, Kulturaten Artgazki-ren 2019ko udazkeneko lehiaketako argazkiak. Argazkien salmentatik lortutako dirua Aspanogiri, Gipuzkoako haur onkologikoen familien elkarteari, emango zaio.

Gaurtik hasita eta hilaren 24era arte Kulturaten izango dira Artgazkik antolatutako udazkeneko lehiakteako irudiak. Aurtengoan 62 argazkilarik hartu dute parte, eta guztira 171 irudi aurkeztu dituzte, zifra "oso onak" antzolakuntzatik adierazi dutenez. Parte hartzaileen artean, Carlos de Cos, Jose Miguel Romero eta Iker Aizkorbe nagusitu dira, "maila handiko" lehian. 2019ko edizioan Manu Barreiro, Juan Antonio Palacios eta Ane Idigorasek osatu dute epaimahaia.

Lortutakoa, Aspanogirentzat

Erakusketan ikusgai dauden lanak erosteko aukera izango da eta bertatik lortutako dirua Aspanogi elkarteari emango zaio. Aurreko urteetako esperientzian oinarrituta, "lan asko" saltzen direla azaldu dute Artgazki-tik eta adierazi dute "eskertzekoa" dela.

 

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete