Ekimen honen helburuetako bat, guraso eta seme-alaben arteko harremanez era ludikoan gozatzea da, familiei horretarako aukera eta guneak eskainiz. Modu horretan, ekimen honi esker, familia ezberdinak elkar ezagutzeko eta euskaraz elkarrekin jolasteko aukera izaten dute. Horregatik, kasu honetan, aniztasuna eta euskararen transmisioa oso ezaugarri garrantzitsuak dira.
Igandeetan
Urtarrilaren 12tik martxoaren 29ra bitartean, igandetan egongo da ekimen honetaz gozatzeko aukera, Arrasateko Okendo ludotekan. 0-8 urte arteko haurrak dituzten familiei zuzendutako ekimena da eta ludotekako ateak 17:30etik 19:30etara bitartean egongo dira zabalik.
Izen-ematea
Ekimen honetan parte hartzea doakoa da, baina parte hartuko duten familien zerrenda jakitea komeni da. Horretarako, ludoteketan, Gazte Bulegoan edota online izena ematea komeni dela jakinarazi dute antolakuntzatik.
