Herritarrentzako zerbitzua hobetzeko erabilgarri dagoen espazioa eraberritzeko eta handitzeko lanak egin dituzte. Posta konpainiak azaldu duenez, zorua eta hormak egokitu, argiztapen berria jarri eta altzariak berriztu dira hobekuntza honetan. Gainera, jendearen arretarako leihatila berria ere sortu da.
Berrikuntza horri esker, bulegoak bere eskaintza komertziala handitu dezake, bidalketen ezaugarrien arabera ordenatuta dauden autozerbitzuko erakuskarien bidez. Horrela, liburuak, haurrentzako ipuinak, papergintza eta bidaiatzeko osagarriak eskaintzen dituzte apalategiek, besteak beste.