Hala, Jokin Zaitegi eta Biteri etorbideko artisauen azokan 34 postu daude herritarren eskura. Bestetik, Seber Altube plazan ere, beti bezala, fruten barazkien eta herriko saltokien erakusketa eta lehiaketa gauzatuko dira. Arizmendiarreta plazan, ganadu eta hegazti feriaren guneaz gozatzeko aukera dute herritarrek.
Horretaz gain, dantzek ere protagonismo handia izango dute jai egunean zehar. Izan ere, Arrostaitz eta Lore Gazteak dantza taldeek dantza saio ezeberdinez kolorestatuko dituzte herriko kaleak. Eta, nola ez, urteroko ohitura jarraituz, txerri dantza herrikoia egingo dute Herriko plazan, 13:45etan.
Arrasateko zenbait kultura taldek, Udalak, eta Santamas Komisiñuek antolatutako egitarau zabalaz ospatzen eta gozatzen hasi dira herritarrak. Hain zuzen ere, festa eta parranda da nagusi Arrasateko kaleetan barrena.