Gaztetxeak kontzertuak antolatu ditu Santamas jaietarako

Arrasateko gaztetxeak ere santamasetarako egitaraua prestatu du. Gaur, emanaldi akustikoak izango dira, gaueko hamarretan hasita. Ekiñe Casado ezingo da bertan izan eta bere ordez Haritz Olaeta oñatiarra izango da Idoia Asurmendi eta  Asier&Liernirekin batera. Bihar, 22:30etik aurrera, herriko taldeak izango dira kontzertuak ematen: Bloom, Libertad Condicional eta Rebel Noise. Eta domekan, santamas egunean, 23:00etan hasita, Virgin Mari DJ-Set emanaldia egongo da.