Eskualdeko garapena bultzatzeko asmoa duen Saiolanen proiektu berriaren lehen bilera Fagor Arrasaten izan da, eta Debagoieneko enpresa txiki eta ertainetako 30 ordezkari inguruk Arrasateko egoitza bisitatu dute, "lankidetza sendotuz".
Konformazio eta ebaketa lineen fabrikatzaile honetako zuzendari nagusi David Pascualekin bildu dira ordezkariok. Fagor Arrasateren esanetan, topaketa "baliagarria" izan da arduradunen artean harreman zuzena izateko eta bezero eta "hornitzaileen arteko harreman potentzialak sustatzeko erronkak eta beharrak bateratzeko".
Topaketaren ostean, esan moduan, instalazioak bisitatu dituzte, "bere jardueraren beharrak bertatik bertara ezagutzeko". Saiolanek bultzatutako ekimenaren helburua da eskualdeko enpresa txiki eta ertainekin harreman berriak aztertzea, "banaka edo elkarlanean, aurrean dituzten erronkei erantzun ahal izateko".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
