Arrasate Kanpanzar Atletiko Taldeak antolatuta, berrogeita bi urtez doa santamas jaien aurreko asteburuan krosa antolatzen. Ospakizun eta festa giroan, ume eta heldu asko korrikan ibiltzen dira herrian zehar, eta edizio honetan ere halaxe izan da. Helduen lasterketa aurretik, baina, haurren probak izan dira, eta aurreikusi baino gehiago animatu dira korrika egitera. "200 haur inguru izan dira goizeko lasterketetan, eta helduenean, berriz, 290 inguru batu dira. Ez nago ziur, baina, agian inoizko parte-hartze handieneko edizioa izan da. Beraz, balorazio positiboa egiten dugu", adierazi du Eukene Dorronsoro antolakuntza taldeko kideak.
Omenaldi hunkigarria
"Duela hilabete hil zen Oliver Hernandez, eta bere omemez familiakoei lore-sorta eta oroigarria eskaini diegu lasterketa aurretik minutu bateko isilunearekin batera. Antolakuntzakoekin jarri ginen harremanetan, eta arazo barik utzi digute omenalditxoa egiten…", adierazi du Jon Zuloaga korrikalari arrasatearrak.
