Arrasateko udalak jakitera eman duenez, Kataide industriagune parean dagoen autobus gordelekuan, mendiko lurra gainera etorri da. Ondorioz, bertan aparkatuta zeuden Herribuseko bi autobusek –bata guztiz estali du lurrak–, Leintzeko batek eta Lurraldebuseko beste bik kalteak izan dituzte eta zerbitzuz kanpo daude.
Autobus zerbitzurik ez da bertan behera geratu, baina Pesak jakinarazi du hainbat lineatako zerbitzuek atzerapenak dituztela; baina gaurko egunean zehar atzerapenak egon daitezkeela ohartarazi dute. Zerbitzurik bertan behera geratu ez dadin langileen berrantolaketa egin dute gaur goizaldean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
