Kulturateko Loramendi gelan egingo dute bilera, datorren eguaztenean, 18:30ean, eta herritar guztiei egin diete gerturatzeko deia.
Honako idatzia kaleratu du Euskal Herriko Eskubide Sozialen Kartak:
Hego Euskal Herriko pentsiodunen mugimenduak bi urte daramatza pentsio duinen alde astero mobilizatzen; bide horretan, pentsioen eremuaz gaindi, modu zabalagoan "planto" egiteko beharra plazaratu dute, euren aldarrietatik harago joateko asmoz.
Gauzak horrela, Euskal Herriko Eskubide Sozialen Karta osatzen dugun eragileok erabaki dugu krisiaren aitzakian azken hamarkadetan azkartu den lan eta bizi baldintzen prekarizazioari mugak jartzea. Lan baldintza, pentsio eta bizitza duinak bermatuko dituzten neurrien aldeko mobilizazio dinamika abiatzea adostu dugu.
Dinamika honen mugarria izango da datorren urtarrilaren 30ean deitu dugun greba orokorra. Enplegu greba, zaintza greba, pentsiodun, ikasle eta langabeen greba izango da.