Bizkaiko talde gaztea eta berria da Sua, bi neska eta bi mutil. Aurtengo Gaztea Maketa Lehiaketa irabazi dute eta orain lan berria kaleratu dute: Ordu beltzak. Sorpresa da Euskal Herriko musika eszenan. Euskaraz eta ingelesez abesten du Ane Barrenetxea abeslariak, aurrez Dekot taldean ibilitakoak. Musika estiloari dagokionez, post-rockaren eraginak ditu Suak, 90eko hamarkadako ukituak, eta baita elektronika apur bat ere.
Kooltur Ostegunak ekimenaren baitan, Sua talde bizkaitarrak kontzertua eskainiko du Arrasateko gaztetxean eguen honetan, hilak 19. Betiko moduan, 22:00etan hasiko da, eta sarrera bost euro izango da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak