Lanaren balioa da ezberdin egiten gaituena izan zen saioaren lema, eta hizlariek Mozambiken bizi izandakoaren berri eman zieten Kulturateko areto nagusian batu ziren 30 herritar ingururi.
Harremaneko presidente Javier Ruiz de Munainek egin zuen hasierako aurkezpena, eta ondoren Mozambiken grabatutako bideo batzuk jarri zituzten. "Han bizi izan ditugunak eta egin ditugunak erakusteko, bideo batzuk ipini ditugu, jendeak hobeto ikus dezan", azaldu du Uribeetxeberriak. Ostean, banan-banan ekin zioten euren bizipenak kontatzeari atzoko protagonistek, bakoitzak bere ikuspegitik. "Bukatzean galdera bat edo beste egon ziren, gainera".
Adrian Lamasek ere hartu zuen hitza bukaeran, Mundukideren Afrikako programen arduradunak. Ordubete pasa iraun zuen saioak. Bukatzeko, Txorbela Otxoteak hainbat abesti eskaini zituen, eta gero luntxa egin zuten guztiek elkarrekin.