Bihar eta etzidamu, herriko plazan jasoko dituzte –abenduak 10 eta 12– eta etzi, abenduak 11, Biteri edo Zaldibarren jasoko dituzte, eguraldiaren arabera. Eguerdian 12:00etatik 13:30era Txatxilipurdi Elkartean jasoko dituzte jostailuak, eta arratsaldez berriz, aipatutako guneetan 17:00etatik 18:30era.
Zapatuan bertan ere bai
Aurten, jostailuak egunean bertan merkatura eramateko aukera eskainiko dute, berrikuntza modura. Beraz, aurrez jostailuak bilguneetara eramateko aukerarik izan ez dutenentzat azken aukera egongo da. Beti ere, momentuan egoera onean daudela ziurtatuko dute.
Aurrez jasotako txartelekin, bildu diren jostailu guztien artean, gustukoena aukeratzeko beta izango dute parte hartzaileek.
Trukeaz gain, jolastu eta sortzeko tailerra egongo da. Elementu naturalekin sortutako jokoak egongo dira jolasteko eta bestalde, naturako material ezberdina egongo da norbere sormenarekin gure dana sortzeko.