EBA mailan derbia izan da asteburuan Iturripen. Aurrez-aurre izan dira Mondragon Unibertsitatea eta Ulacia Zarautz taldea. Markagailuari begiratuta (97-65) badirudi etxeko taldeak erraz lortu duela garaipena, baina lan handia egin behar izan dute Iñaki Ogaranen mutilek.
Jarraian lortzen duten hirugarren garaipena da hau, eta hirugarren postuan sailkatuta dago talde arrasatearra.
Gainera beste albiste pozgarri bat ere izan da saskibaloian; orain arte lesionatuta egon den Ander Atxa jokalaria kantxan ikusteko aukera izan zuten zaleek. Oraindik sasoiko ez dagoela aitortu zion GOIENAri, baina sentsazioak onak direla nabarmendu zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.