Zirkulazioaren kontrako noranzkoan bizikleta zihoan gizonezko bati geratzeko agindua eman zioten ertzainek atzo, egubakoitza, 20:25 bueltan, Arrasaten. Identifikatzeko eskatu ostean droga trafikoagatik aurrekariak zituela ikusi zuten. Miaketa egindakoan speedarekin betetako zortzi poltsatxo eta haxix zati bat antzeman zioten.
Atxilotuta eraman zuten polizia etxera droga trafikoa egotzita, eta eta ondorengo orduetan epailearen esku geratuko da.
Droga trafikoagatik beste hirutan ere atxilotuta zuten ertzainek 43 urte dituen gizonezko hori; Arrasateko udaltzainek ere ikertuta zutela kontu beragatik jakinarazi dute Segurtasun Sailetik, eta gaineratu, Herritarren Segurtasun Legeagatik espedientea ere irekita zuela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.