Lehenik, 11:30ean, haurrendako tailerra egin dute, "neska-mutikoei erakusteko azokan zer saltzen den, sasoiko produktuek ze garrantzia daukaten, eta garai honetan ortuan zein produktu dauden". Horrez gain, beste hainbat produktu ere erakutsi dizkiete. "Lehenengo alde teorikoa egin dute eta ostean azokako ekoizle ezberdinekin egon dira harremanetan, galdera ezberdinak eginez".
Lanbide Has-tapeneko Sukaldaritza modulu-ko ikasleek prestatu dituzte Arrasateko hiru baserritako babak: Elkoro, Enusketa eta Askasibar. "Bakoitzari lau kilo hartu dizkiogu, bati zuria, beste bati gorria eta azkenari beltza".
Eguraldia kontuan izanik, herritar dezente hurbildu da Seber Altube plazara eta "oso positiboki" baloratzen dute hori. "Gainera, baba ondo saldu da eta jendeak interes handia erakutsi du. Beraz, pozik egoteko moduan gaude".