Asteazken gauean sartu ziren lapurrak, eta, maiatzean bezala, leihoa puskatuz sartu ziren barrura. Makina txanpon-jaleko dirua eraman zuten, eta kutxa automatikoa ere zabaldu zuten, nahiz eta txanponak soilik zituen. "Maiatzean segurtasunezko leiho bat jarri genuen, baina hala ere sartzea lortu dute. Orain kristal blindatu bat jarriko dugu".
"Aurreko berdinak izan dira, eta maiatzean bezala, makina txanpon-jalearen bila joan dira. Kutxa automatikoa ere zabaldu dute, baina txanponak bakarrik zituenez, lurrean botata utzi dute. Aspalditik ez ditugu billeteak bertan gordetzen" azaldu du okindegiko arduradun batek. Zenbat diru eraman duten galdetuta, zera erantzun du: "Oraindik ez dakigu zenbat diru eraman duten makinatik".
Bertan lapurtu duten hirugarren aldia izan da. Lehena duela hiruzpalau urte izan zen, eta azkena, aldiz, maiatzean. Deigarria da ertzainen eta udaltzainen egoitzetatik nahiko hurbil dagoen lokala izanik, hiru aldiz lapurtu izana.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak