Ugandako doinuek kolore afrikarra eman diote Amaia antzokiari

Mundukideren 20. urteurrena ospatzeko kontzertu solidarioa egin zuten atzo Arrasaten, eta Amaia antzokia lepo bete zen Aba Taano talde ugandarren emanaldia jarraitzeko.

Gospela jorratzen duen Aba Taano talde ugandarrak emanaldi polita eskaini zuen atzo Arrasaten, Mundukide gobernuz kanpoko erakundearen 20. urteurrena ospatzeko antolatutako kontzertu solidarioan. Aba Taano boskoteak ukitu afrikarra eman zion Arrasateko antzokiari, eta bertan batu ziren ikus-entzuleek ederki gozatu zuten doinu eta erritmo koloretsuekin. Talde afrikarrak Goikobalu Txiki abesbatzaren laguntza ere izan zuen Amaia antzokiko oholtzan.

Kontzertuan batutako dirua, datozen urteetan Mozambiken eta Brasilen dituzten proiektuak aurrera eramateko baliatuko du Mundukidek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.