Levantek aurkeztutako helegiteak
Fernandezek, lehendakariorde izateko deia jasota, Levantek helegitea aurkeztu du, arrasatearra Athletic Cluben aurkako partiduan egon dadin. Helegitea ez da onartua izan eta hainbat komunikabideren arabera, honakoa izan da arrazoia: "Athletic Cluben aurkako partidua Aitor Fernandez gabe jokatu dezake Levantek, taldeak beste atezain batzuk baititu".
Gauzak horrela, Levantek bigarren helegitea aurkeztu du eta taldea, erantzunaren zain dago. Azken erantzunik ez balego, Fernandez deituta dagoen Arrasateko eskola horretan egon beharko litzateke domekan, 08:00etan. Bere mahaiko lehendakaria agertuz gero, Fernandez San Mamesen jokatzeko moduan egongo litzateke; aldiz, mahaian egotea egokitzen bazaio, Levantek beste atezain batekin jokatu beharko du Bilbon.
