Orain arteko emaitza txarrek eragin dute Jorge Davilaren kargugabetzea. Mondra Ohorezko Erregionaleko azken sailkatua da, bost punturekin, partidu bakarra irabazi eta bi berdinduta. Aurreko asteburuan Amaikak Baten kontra jasotako porrotaren ostean (2-3) dator erabakia. Hala, klubak honako mezuarekin agurtu du Davila: "Eskerrik asko, bihotzez, klubean egin duzun lan guztiarengatik. Mondragon futbol elkartearen ateak zabalik izango dituzu beti", idatzi du Mondrak, twiterreko bere kontuan.
2017ko uztailetik
2017ko uztailean heldu zen Jorge Davila Mondrara, Josu Zubiaren lekukoa hartuz. Bi denboraldi oso egin ditu lehen taldea zuzentzen. Urte txukunak izan dira, futbolari eta emaitzei begira. Bada, aurten, lehen jardunalditik hasi ziren gauzak okertzen. Zuri-moreek Touringen kontra lortu dute orain arteko garaipen bakarra. Bergararen eta Oiartzunen kontra bana berdindu dute. Horrela lortu ditu taldeak bost puntuak.
Baina, duda barik, zaleen aurrean emandako itxura izanda gogorrena. Mondrak ez du partidurik irabazi Mojategin.
