Esparru-hitzarmenaren helburua
Hitzarmen honek hainbat helburu ditu: bi erakundeen arteko lankidetza sendotzea eta indartzea, lanbide-ingurune horietan jarduten duten enpresen lehiakortasuna hobetzen laguntzea, bai eta lan-eskaintza sendoagoa, egonkorragoa eta lehiakorragoa sortzea, Euskadiren ekonomia-, gizarte- eta ingurumen-garapena bultzatzeko.
Garaia parke teknologikoa eta Euskadiko parke teknologikoen sarea
Arabako, Bizkaiko eta Gipuzkoako parkeek osatzen duten Euskadiko parkeen sarearen helburuetako bat da zientziaren eta enpresen garapena eta berrikuntza sustatzen duten eragileen topagune eta elkarreragingune gisa jardutea. Arrasaten kokatuta dagoen Garaia parke teknologikoak berriz, parke teknologiko bat sustatu eta kudeatzea du helburu. Gauzak horrela, bi erakundeek zientziaren eta enpresaren garapeneko eta berrikuntzako arloetan ekintza bateratuak garatzeko duten interes komunetik, dauden
korrelazioak eta sinergiak bilatuz, sortu da hitzarmen hau sinatzearen ideia.
Neurriak
Hitzarmen honen baitan, hainbat neurri daude: bi erakundeen azpiegiturak eta zerbitzuak partekatzea, ordezkaritzak jasotzen laguntzea, ingurune zientifiko-teknologiko-enpresarialaren aurrerapenak zabaltzeko, eta tokiko eta inguruneko ikerketa- eta enpresa-komunitateak aurkezten eta sartzen laguntzea.