Gaba Baltza ekimenaren baitan hainbat ekintza antolatu dira, elkarte ezberdinen elkarlanari esker, asteburuan eta hurrengo astean zehar egingo direnak.Bihar eta etzi, arratsaldean zehar, erdiguneko gazte txokoa beldur etxe bilakatuko da. Urriaren 29an, martitzenean, 17:00etan hasita, 17 urtetik gorakoei zuzenduta, ziklo menstrualari buruzko ikastaroa izango da Etxaluzen.
Ikastaroan parte hartzeko, aurrez izena ematea komeni da, 685 72 77 43 telefonora deituta edo aniztasuna@txatxi-lipurdi.eus helbidera mezu bat bidalita. Azkenik, urriaren 31n, eguena, Arimen Biltzarra egingo da gaztetxean. 18:00etan herriko plazan kalejira hasiko da gaztetxeraino, eta antolatzaileek kukumarro edo baserritar jantzita joateko dei egin diete herritarrei, eta baita kandelak eta kalabazak eramateko ere.
