Zapatuan, Ondarea plazara! bisita
Urriaren 19rako, zapatua, Ondarea plazara! bisita antolatu da. 11:00etan hasiko da Zaldibarren eta Ondarearen Europako Jardunaldiak 2019 egitarauaren barruan antolatu du Udalak Arrasate Zientzia Elkartearekin elkarlanean. Bisita gidatuan, inguru horretako eraikin nabarmenenak eta gertaera historikoak ezagutzeko aukera izango da, baita Dokera jokatzeko ere. Bisitak helburu hauek ditu:
- Aisialdiari, kirolari eta jaiari lotutako gure ondareak duen garrantzia nabarmentzea
- Jolasa eta jaia kulturen arteko zubi bezala erabiltzea
- Ondarea babesteko kontzientzia areagotzea
Domekan, Itzuli Barik erakusketaren amaierako ekintza
Bigarren bisita, urriaren 20an, domekan, 12:00etan izango da. Itzuli Barik erakusketaren amaierako ekintza izango da. Kulturate eraikinetik hasi eta aurreko plaza eta bertan zegoen merkatuaren istorioak ezagutzeko aukera izango dute bisitariek, baita alde zaharreko kaleetan barrena ibili eta antzinako harresiaren aztarnak ikusteko ere. Ibilbidea, Arrasateko historian aditua den Ana Isabel Ugaldek gidatuko du.
Izen-ematea
Bisita gidatuetan parte hartzeko aurrez izena ematea beharrezkoa da. Plazak mugatuak dira eta telefonoz edo posta elektroniko bidez egin daiteke.
- Telefonoa: 943 25 20 20
- Posta elektronikoa: kultura@arrasate.eus