Eguerdian ordu beteko emanaldia eskaini dute otxoteek San Frantzisko elizan, eta ostean, kalean jarraitu dute abesten; hain zuzen, kalez kale aritu dira lau taldeak.
Mikel Balantzategi Txorbela otxoteko kideak adierazi duenez, "ederki" joan da goizeko emanaldia, eta gaineratu du "lan ona" egin dutela lau otxoteek. Eguneko egitarauarekin jarraitzeko elkarrekin bazkaldu dute Alkartu elkartean, eta Balantzategik azaldu moduan, bertan ere jarraituko dute giro onaz eta kantuez gozatzen.