Partidu ona jokatu dute Ford Mugarri taldeko mutilek. Bai aurrean eta baita atzean ere indartsu ibili dira, baloiaren kontrola mantenduz.
Defentsa izan da gakoa
Garaipenaren gakoa, baina, defentsan egon da. 5-1 defentsa sistemarekin jokatuta oso ondo neurtu dituzte indarrak, eta aurkariaren erasoak bertan behera utzi dituzte.
Erasora irteteko orduan, eraginkorrak izan dira etxeko mutilak. Atsedenaldiko emaitza 16-11 izan da; eta, azken emaitza: 27-24.
Emaitzarekin eta lanarekin, "pozik"
"Oso pozik gaude egindako lanarekin", azaldu du Josu Herrerok partidu amaieran. "Defentsa ona egin dugu; 40. minutura arte 12 gol besterik ez dituzte sartu. Amaieran zerbait estutu dute eta gol gehiago egin dituzte", gaineratu du.
Ligako lehenengo partiduan bi puntuak eskuratuta, "pozik" geratu dira arrasatearrak.