Red Dragons taldeak antolatuta festa solidarioa egiten dabiltza gaurko egunean zehar. Ibilgailu klasikoen erakusketa eta ibilalditxoa egin dute goizean.
Arizmendiarrieta plazan hainbat auto jarri dituzte ikusgai, harribitxi apartak guztiak ere. Nabarmendu behar da, baina, helburua ez dela festa egitea bakarrik izan; elkartasuna keinua ere badu gaurko egunak. Izan ere, egun guztian zehar Bergarako elikagai bankurako janari bilketa egiten dabiltza.