Astean zehar jasotako materiala salgai jarri dute Birzikleta azokan. Europako Mugikortasun astearen barruan antolatutako azoka izan da.
Txikiendako bizikletak, mendikoak, errepidekoak, elektrikoak... denetik egon da salgai; baita, bizikletendako osagarriak ere; adibidez, umeak eramateko aulkiak edo kaskoak. Horretaz gain, aurten, erakusketa egin dute herriko dendetako bizikleta eskaintza erakusteko.
Oinez gurekin lemapean egin dute aurtengo Europako Mugikortasun astea. Helburua da "mugikortasun iraunkorra sustatzea eta sentsibilizazioaren bidez herritarren artean eztabaida eta hausnarketa sortzea".