01:15eak aldera Arrasateko bizilagunen telefono deia jaso du Ertzaintzak, lapurreta saiakeraren berri emanez. Lehenengo deian bi pertsona okindegi bateko atea behartzen ari zirela jakinarazi diete bizilagunek. Gertaeraren tokira zihoan patruilak beste lapurreta saiakera bat ikusi du bidetan. Bigarren kasu horretan ile-apaindegi bateko atea behartuta ikusi dute ertzainek. Une berean, beste dei bat jaso dute ertzain-etxean, ile-apaindegitik gertu zegoen fruta-denda batean ostean saiatzen ari zirela jakinarazi die bizilagun batek.
Ertzaintzak jakinarazi duenez, "bizilagunen laguntzari esker" lortu dute ustezko lapurrak aurkitzea. Jasotako deskribapenekin bat egiten zutela ikusirik bi gizonezkoak miatu egin dituzte eta bi lima aurkitu dizkiete. Horretaz gain, ihesaldian utzitako bi aitzur ere atzeman dituzte. Informazio hori kontuan izanik bi gizonezkoak atxilotu egin dituzte, indarrez egindako lapurretaren ustezko egile moduan.