Zuri-more beteranoen arteko apustua

Ezkerretik hasita: Garin, Alzola, Keixi, Aranbarri –egun jokatzen dabilen bakarra–, Muxi, Zubikarai, Txaote, Julen, Muruamendiaraz, Loiti, Maikel, Illart eta Rueda.

Aspaldi utzi zioten Atxabalpeko eta geroago Mojategiko berdegunean jokatzeari. Baina, bizikleta gaineko apustu bat nahikoa izan da ostera ere Mondrako jokalari ohi koadrila polita batzeko. Atzo ibili ziren Aramaioko errepideetan hauspoa berotzen, eta Arrasaten bazkaldu zuten gero. Gauzak diren moduan, batek baino gehiagok futbolari zenean baino sasoi hobea du egun.

Muxi, Keixi, Txaote eta Zubikarai. Mondrako lau jokalari ohi horien arteko apustuak koadrila polita batu zuen atzo Arrasaten. Egin beharreko bizikleta gaineko apustua Aramaion egin zuten, erreleboka –tartean Kurtzeta igota– eta 25-30 segundoko aldeagatik lehengo biek irabazi zuten, nahiz eta hori gutxienekoa den.

Mondrako elastikoa urtetan jantzi izan duten lagun koadrila batzea zen aitzakia. Goizean elkarrekin gosaldu, eta apustua tarteko egun osoko plana egin zuten. Gaua ere luzatuko zen, seguru.

Azaleko argazkia nagusian, ezkerretik hasita: Garin, Alzola, Keixi, Aranbarri –egun jokatzen dabilen bakarra–, Muxi, Zubikarai, Txaote, Julen, Muruamendiaraz, Loiti, Maikel, Etxeberria eta Rueda. Gero lagun gehiago ere batu ziren:

 

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.