Aurre-denboraldia gertatzeko hitzorduen artean dago Arrasate Hiria txapelketa; helburuen artean, zaleei fitxaketa berriak ezagutzera ematea eta taldea lanean dabilela erakustea, besteak beste. Atzo, aurkari indartsuak izan zituen Mondrak, Anaitasuna eta Añorga, hain zuzen ere eta etxekoak puntu bakarrarekin geratu ziren, hirugarren postuan.
Anaitasuna eta Añorgaren arteko norgehiagoka azkoitiarrek irabazi zuten gol bakarra eginda. Bigarrenean Mondrak jokatu zuen azkoitiarren aurka, eta indarrak oso parekatuta izan ziren orduan. Hala, golik sartu ez eta puntu bana jaso zituzten. Ondoren, Añorgaren aurka jardun zuten etxekoek; bai ala bai irabazi beharra zeukan Mondrak baina donostiarrek lan txukuna egin zuten. Lehen gola hain zuzen Añorgarena izan zen; laster berdindu zuen Iker Pavonek baina kanpokoen bigarren gola iritsi zen ondoren, esku hutsik utziz Mondra.
