Eskola Kiroleko ikasturte berriari ongi etorria emate aldera, Arrasate Errugbi Taldeak ezohiko lan-saioa burutuko du gaur, hilak 5. "Lagun bat ekarri" lelopean, eta 18:00etan hasita, gaztetxoenei zuzendutako entrenamendua burutuko da Seber Altuben. Bertan ART-ko teknikari, kide eta jokalariak izango dira eta, esan bezala, bertaratzen diren neska-mutikoei zuzendutako jolas eta ariketak burutuko dira.
"Helburua da Eskola Kirolean aritutakoek lansaio honetara lagun bat ekartzea, errugbia eta gure kluba ezagutu dezaten", adierazi dute Arrasate Errugbi Taldeko arduradunek. Ohi bezala, hurrengo entrenamendua igande goizean -hilak 8- Mojategin izango da.