"Iazkoa izan zen lehen aldia, eta, batez ere, haur txikiengan zentratu ginen. Aurten, hori mantentzeaz gain, 10 urte bitarteko gaztetxoentzat eskaintza sartzearen alde egin dugu, eta hori dela eta datoz 3zpa4-ko lagunak. Goazen! telesailekoak ekartzen ahalegindu gara. Ez da posible izan, baina ziur 3zpa4-ko lagunen ikuskizunarekin jendea erakartzea lortzen dugula" azaldu du jai batzordeko Andres Castillejok.
Iaz ondo egindakoak errepikatzearen alde ere egin dute: "Iaz puzgarri asko jarri genituen eta oso funtzionatu zuten; beraz, aurten, ez da txikienentzako puzgarririk faltako. Baina berritasunak ere egongo dira, eta horietako bat saguzarraren jaitsiera izango da. Iazko jaietako kartela diseinatu zuenak saguzar bat jarri zuen Gelmako Eraikinetik irteten bezala. Irudia asko gustatu zitzaigun eta saguzar horren jaitsiera egitea pentsatu genuen; Zeledonen jaitsieraren antzerako zerbait. Duela gutxi entsegu moduko bat egin genuen, eta nahiko ondo irten zen. Sorpresa puntua mantentzeko goizean-goiz egin genuen, badaezpada".
Hona hemen auzoko jai batzordeko kideek lotu duten hiru eguneko egitaraua.
